Во „Службен весник на РМ“, бр. 188/18, од 12.10.2018 година се објавени: УПАТСТВО за начинот на евидентирање, распоредување, поврат и пренасочување на јавните приходи и ПРАВИЛНИК за класификација на приходите. Детали побарај на ПОВЕЌЕ.
Правни и физички лица кои ги вршат сметководствени услуги подлежат на безбедносни проверки согласно со прописите за безбедност на класифицирани информации и се должни да поседуваат безбедносен сертификат со степен „доверливо“. Детали на ПОВЕЌЕ, а целосна информација на претстојните Обуки на Про агенс.
Заради обезбедување на транспарентност на сопственичката структура на правните субјекти се воспоставува регистар на вистински сопственици (во натамошниот текст: регистар). Централниот регистар на Република Македонија (во натамошниот текст: администратор на регистарот) го воспоставува, води, одржува и управува со регистарот. Министерот за финансии го пропишува начинот на внесување, пријавување, исправка и бришење на податоците од регистарот, начинот на користење, начинот на изразување на висината на уделот (индикатор за утврдување на сопственоста), начин на одржување и администрирање, техничките барања (потреби) за воспоставување на регистарот. Во Службен весник 186/18 е објавен Правилник за Регистарот на вистински сопственици (во сила е од 16 октомври 2018 година). Правните субјекти (трговски друштва, трговец поединец, самостојни вршители на дејност, подружници и филијали на странски трговски друштва и странски трговец поединец; здруженија, сојузи, фондации, комори, синдикати, политички партии, задруги, верски заедници или други организации и нотари, адвокати и други лица кои вршат јавни овластувања). Деталите и Правилникот може да ги побарате на ПОВЕЌЕ.
Одлуката за исплата на дивиденда создава обврска за друштвото да ја исплати. Според членот 185 став 3 од ЗТД, содружникот станува доверител на друштвото до висината на износот на одобрената, но неисплатена дивиденда. Одлуката е правен основ во кој е искажана волјата на сопствениците на капиталот по однос на употребата на делот од добивката за дивиденда. Од неа произлегува обврска за друштвото истата да ја исплати, а право на сопственикот на капиталот да ја побарува. Според членот 487 став 5 од ЗТД одобрената дивиденда може да се исплати најдоцна во рок од девет месеци по завршувањето на деловната година за која се исплатува. Неисплатувањето на одобрена дивиденда заклучно со септември во тековната година е санкционирано како прекршок во член 599 став 1 точка 7 од Прекршочните санкции на ЗТД. Пример на Одлука за исплата на дивиденда може да симнете на ПОВЕЌЕ.
Македонската Влада најавува ваучерски систем на финансирање на спортот. Со ваучерскиот систем, дел од данокот на добивка, се става на располагање на спортските субјекти (спортски клубови и федерации) заради зголемување на нивната финансиска моќ. Секој правен субјект, обврзник на данокот на добивка, ќе добие можност до 50% од пресметаниот данок на добивка да го инвестира директно во спортот. Спортски клубови, федерација или поединечен спортист ќе располагаат со ваучери којшто ќе значат платен данок на добивка за компанија. Со ова сите спортски субјекти имаат еднаква шанса за примање на финансиски средства без фаворизирање. Деталите побарај ги на ПОВЕЌЕ.
Барања за Автентични толкувања на Законите за ДДВ, за работни односи и за трговски друштва. Детали побарај на ПОВЕЌЕ.
Потребата од обезбедување на практична работа на лица без работно искуство во функција на целосно искористување на потенцијалот на практичната работа во реални услови за невработените лица без практично искуство и нивно полесно вклучување на пазарот на трудот, од една страна, и барањата на работодавачите за вработување на лица со практично искуство од друга страна, го иницираа предлагањето на Закон за практикантство. Детали и Предлог текст на Законот побарај на ПОВЕЌЕ. Текст на Предлог Законот за практиканство:
Кратко инфо за регистрација на ГРАЃАНИТЕ на електронската платформа нa УЈП за персоналниот данок на доход. Види на ПОВЕЌЕ.
Со дополнување на членот 128 во ставот 3 точка 2 и во ставот 5 од ЗРО, се прецизира обврската на работодавачот на „ноќните“ работници на негов трошок да им обезбеди: соодветна храна или надоместок на трошоци за исхрана во висина од 20% од просечната нето плата по работник исплатена во Република Македонија во претходната година, сразмерно за деновите кога работникот работи ноќе. На ПОВЕЌЕ побарај неколку примери за пресметка на овој (неоданочив) надоместок.
Од 1 јануари 2019 година Управата за јавни приходи ќе изготвува пополнета Годишна даночна пријава за сите граѓани - физички лица кои оствариле приходи во текот на 2018 година. Пополнетата Годишна даночна пријава (ПДД-ГДП), Управата за јавни приходи ја доставува до граѓаните најдоцна до 30 април 2019 година преку системот e-pdd.ujp.gov.mk. Детали побарај на ПОВЕЌЕ.