Ослободување од ДДВ за донирани добра и услуги и за промет на добра и услуги кои се платени од донирани финансиски средства

Уредбата со законска сила за примена на Законот за данокот на додадена вредност за време на вонредна состојба („Службен весник на РСМ“, бр. 82/2020) со која се пропиша олеснителен начин за издавање на фактури во електронска форма, се прошири со предвидено ослободување од ДДВ за донирани добра и услуги кои се однесуваат за справување со Коронавирусот Covid-19. Проширувањето е направено со Уредбата со законска сила за изменување и дополнување на Уредбата со законска сила за примена на Законот за данокот на додадена вредност за време на вонредна состојба (во натамошниот текст - „Уредба“) која се објави во „Службен весник на РСМ“, бр. 102/2020 и стапи на сила од 14 април 2020 година, а предвидува: ослободување од данокот на додадена вредност на прометот на добра и услуги кои како донација се дадени на буџетски корисник, односно прометот остварен со донирани финансиски средства кон буџетски корисник, кој се однесува за справување со Коронавирусот Covid-19. Текст со Договор за донација и Потврда за примена донација и пречистен текст на Уредбата за ДДВ побарај на ПОВЕЌЕ:

ДОДАТОЦИ И НАДОМЕСТОЦИ ЗА ВРАБОТЕНИТЕ ВО ЈАВНИОТ СЕКТОР – Нов грански колективен договор

Нов грански колективен договор за дел од вработените во јавниот сектор, под наслов: „Грански колективен договор за органи на државната управа, стручните служби на Владата на Република Северна Македонија, судовите, јавните обвинителства, казнено - поправните и воспитно-поправните установи, државното правобранителство, општините, Градот Скопје и општините на Градот Скопје, агенциите, фондовите и другите органи основани од Собранието на Република Северна Македонија“ (во натамошниот текст: ГКДЈС), е објавен во „Службен весник на РСМ“, бр. 51/20 од 25 февруари 2020 година, со примена од денот на објавувањето. ГКДЈС, врз основа на член 3 и член 24 од Законот за вработените во јавниот сектор, го склучија договорните партнери: Министерството за информатичко општество и администрација (МИОА) надлежно за вработените во областа на државната администрација, од една страна и Синдикатот на работниците од управата, правосудните органи, здруженија на граѓани на Република Македонија (УПОЗ). Детали побарај на ПОВЕЌЕ.

Намалување на стапката на казнената камата од 3 април 2020 година

Согласно со Уредбата со законска сила за примена на Законот за облигационите односи за време на вонредна состојба (89/2020) која влезе во сила на 3 април 2020 година и ќе се применува за време на траење на вонредната состојба, висината на стапката на законската казнена камата е ЗНАЧИТЕЛНО НАМАЛЕНА. Детали побарај на ПОВЕЌЕ.

ОБНОВЕНО: Финансиска поддршка на работодавачите во износ од 14.500 денари по работник месечно

Во „Службен весник на РСМ“ број 97 од 9 април 2020 година е објавена Уредба за изменување на Уредбата со законска сила за финансиска поддршка на работодавачите од приватниот сектор погодени од здравствено-економската криза предизвикана од вирусот Covid-19, заради исплата на платите за месеците април и мај 2020 година, која влезе во сила со денот на објавување т.е. на 9 април 2020 година. Со Уредбата е изменета Уредбата со законска сила за финансиска поддршка на работодавачите од приватниот сектор погодени од здравствено-економската криза предизвикана од вирусот Covid-19, заради исплата на платите за месеците април и мај 2020 година, објавена во „Службен весник на РСМ“ број 93 од 7 април 2020 година која влезе во сила со денот на објавување т.е. на 7 април 2020 година. Со измена на Уредбата е дадена можност мерката за финансиска поддршка да ја користат и сопствениците, управителите и членовите на УО и НО на работодавачите, корисници на финансиска поддршка. Исто така, обврската за задржување на истот (или поголем) број на работници наместо до септември 2020 година се скратува заклучно со јули 2020 година. Со Уредбата е пропишана можност за финансиска поддршка на работодавачите заради исплата на плати на работниците за износ од 14.500 денари месечно по работник за месеците април и мај 2020 година. Детали за примената на Уредбата (правила, можности, услови, евиденција, ПРЕЧИСТЕН ТЕКСТ НА Уредбата) со бројни примери побарај на ПОВЕЌЕ.

Времени мерки за остварување права од здравствено осигурување во вонредни услови

Соопштение на ФЗО: Времени мерки за осигурени лица за остварување права од здравствено осигурување во услови на пандемија (здравствена заштита за лицата кои не платиле придонес, продолжување на исплатата на надоместокот за породилно боледување на товар на ФЗО, право на матичните лекари да издаваат боледување до 14 дена). Детали побарај на ПОВЕЌЕ.

Промена на работното време на мобилните работници

Во „Службен весник на РСМ, бр. 90 од 4.4.2020 година се објави Уредба со законска сила за примена на Законот за работното време на мобилните работници во патниот сообраќај и уредите за запишување во патниот сообраќај за време на вонредна состојба со која се пропишува ново дневно и неделно време на управување со возило, вкупно време на управување со возило во текот на кои било две последователни недели, паузите, дневниот и неделниот одмор, за време на траење на вонредната состојба, во однос на правилата предвидени со Законот за работното време на мобилните работници во патниот сообраќај и уредите за запишување во патниот сообраќај („Службен весник на РМ“, бр. 140/18). Новото работно време на мобилните работници (тука спаѓаат: возачот, совозачот, кондуктерот и приправник на обука) кое е уредено со Уредбата, ќе важи за периодот на важење на вонредната состојба почнувајќи од 4 април 2020 година. Работно време според Законот, важеше пред Уредбата и повторно ќе важи по укинување на вонредната состојба. Детали за новото работно време, заедно со паузите и одморите на мобилните работници, според Уредбата и до сега важечкото од Законот се дадени во преглед во следната информација барај на ПОВЕЌЕ.

Субвенционирање на придонесите од плата за април-јуни 2020 година

Во „Службен весник на РСМ“ број 92 од 6 април 2020 година е објавена Уредбата со законска сила за субвенционирање на исплата на придонеси од задолжително социјално осигурување за време на вонредна состојба, која влезе во сила со денот на објавувањето т.е. на 6 април 2020 година. Со Уредбата се уредуваат условите, начинот и постапката на субвенционирање на исплата на придонеси од задолжително социјално осигурување. Текст со детали побарај на ПОВЕЌЕ

Финансиска поддршка на СВД во износ од 14.500 денари месечно

Во „Службен весник на РСМ“ број 92 од 6 април е објавена Уредбата со законска сила за финансиска поддршка на физички лица кои вршат самостојна дејност погодени од здравствено-економската криза предизвикана од коронавирусот Covid-19 за време на вонредна состојба, која влезе во сила со денот на објавување т.е. на 6 април 2020 година. Со Уредбата се уредуваат условите, начинот и постапката на финансиска поддршка (14.500 денари/месечно) на физички лица кои вршат самостојна дејност погодени од здравствено-економската криза, за месеците април и мај 2020 година. Детали за примената на Уредбата (правила, можности, услови), побарај на ПОВЕЌЕ.

Рокови за користење на годишните одмори за 2019 и 2020 година

Со Уредбата на Законот за работните односи (90.2020 година, во сила од 04.04.2020 година) се утврдуваат рокови за користење на остатокот од годишните одмори од 2019 година, односно рокви за користење на првиот дел од годишните одмори за 2020 година. Детали побарај на ПОВЕЌЕ.

Од 4 април 2020 година повторно се дозволува исплата на дивиденда на странски сопственици

Во „Службен весник на РСМ“, бр. 90/20 од 4.4.2020 година објавена е Уредба со законска сила со која престанува да важи Уредбата за примена на Законот за трговските друштва за време на вонредната состојба („Службен весник на РСМ“, бр. 79/20 и 87/20). Со последната Уредба од 4 април 2020 година и ПРЕСТАНУВАЊЕТО НА ВАЖЕЊЕТО на иницијалната Уредба (79/20) и измената и дополнувањето на иницијалната Уредба (87/20) е укината забраната за исплата на дивиденда на странски содружници, односно на странски акционери кај сите трговски друштва и за време на траењето на вонредната состојба. Детали побарај на ПОВЕЌЕ.