Во „Сл. весник на РМ“, бр. 26 од 4.2.2019 година,
Министерството за финансии го објави НОВИОТ Правилник за формата, содржината и начинот на доставување на податоци за приливи на средства на сметки на физички лица.
Со Правилникот се регулира прибирањето и обработувањето на банкарски податоци од страна на Управата за јавни приходи, заради пополнување на Годишната даночна пријава. Банките ќе бидат должни најдоцна до 15‐ти во тековниот месец за претходниот да доставуваат податоци до Управата за јавни приходи за приливи на средства на сметки на физички лица.
Формата и содржината и начинот на доставување на податоците, банките за првпат ќе треба да ги применат при доставување на податоците за физичките лица за 2018 година до 28 февруари 2019 година, додека за месеците јануари, февруари и март 2019 година ќе треба да се достават најдоцна до 30 април 2019 година. Правилникот за формата, содржината и начинот на доставување на податоци за приливи на средства на сметки на физички лица може да го симнете преку следниот линк: https://proagens.mk/wp-content/uploads/2019/02/Pravilnik-za-fizicki-lica_26.19.pdf