ПРИМЕНА ОД 1.1.2018 ГОДИНА НА ДОГОВОРOT ЗА ОДБЕГНУВАЊЕ НА ДВОЈНО ОДАНОЧУВАЊЕ СО БЕЛГИЈА
Во “Службен весник на РМ”, бр. 151 од 25 октомври 2017 година е објавена Објавата на Министерството за надворешни работи, според која Спогодбата меѓу Македонската Влада и Белгиската Влада за одбегнување на двојното оданочување и за заштита од фискална евазија, склучена во Брисел на 6 јули 2010 година, ратификувана од Собранието на РМ и објавена во “Службен весник на РМ”, бр. 157/10, стапила во сила на 17 јули 2017 година, така што согласно со членот 28 на Спогодбата, истата се применува од 1 јануари 2018 година.
Одредбите на Спогодбата се важни од аспект на задржаниот данок и персоналниот данок, кои се одбиваат од одредени приходи што ги остваруваат странски правни и физички лица, поточно на примената на даночните олеснувања и ослободувања што ги овозможува Спогодбата (преку спроведување на пропишаните процедури, пред исплатата на приходот), кои имаат предност пред националната легислатива.
